Springe direkt zum Inhalt
  1. Home
  2. Proiet
  3. Descriziun

Descriziun

L'INOVAZIUN AMINISTRATIVA SCIÖCHE N TRU DE DÜĆ

„Inovaziun aministrativa 2018“


Se dè jö adora assà cun les sfidades y ti ester por le Südtirol y süa jënt; ti conzede de plü responsabilité y partezipaziun ala jënt y ales impreses; prestaziuns aministratives prezises & sön chëres che an po se lascè, tleres & da capì, saurides & efiziëntes: chëstes é nostes pretenjiuns.

Tl dagnì messarà la politica y l’aministraziun se confrontè cun tröpes sfidades – da na popolaziun che vëgn tres plü vedla, a na velozité dles mudaziuns tres majera ćina a na majera manćianza de segurëza economica. Por ti ester a chisc svilups sciöche al alda mëss les strotöres dl’aministraziun provinziala y sü ënć, l’adoranza de mesi finanziars y i prozesc gnì sotmetüs a n control ampl y al mëss gnì metü bases nöies. Cun le proiet „Inovaziun aministrativa  2018“, che pëia ia ofizialmënter ai 15 d’otober dl 2014, dess chësc gnì tut tles mans.

I traverć dl’„inovaziun aministrativa 2018“

Cun l’inovaziun aministrativa déssel gnì arjunt n’organisaziun che funzionëia bun, prozesc efiziënć y n’adoranza tlera y economica di mesi. Na responsabilité vita cun cosciënza y na cultura dl’aministraziun ativa é porchël la basa fondamentala.

I traverć dl’„inovaziun aministrativa 2018“

I ćiamps d'aziun
Tl zënter dl proiet „Inovaziun aministrativa 2018“ él le control di compić y la focalisaziun de compić fondamentai, la reorganisaziun dl'organisaziun aministrativa, sciöche inće le mioramënt di prozesc aministratifs y le control dles spëises publiches. N svilup aladô dl'organisaziun y dla cultura aministrativa é dër important.

I ćiamps d'aziun

Pro l'inovaziun aministrativa nen vara, sciöche bele fat fora tl program de coaliziun 2013-2018, de na reflesciun y reorganisaziun fondamentales de compić, spëises, strotöres y scomenciadies de n prozès sostenibl dl svilup aministratif y dl mioramënt tresfora.

Le desfiramënt
I ùn chirì fora aposta da fà pié ia l'inovaziun aministrativa sciöche prozès "da daìte fora". N proiet tan stimolant po ma avëi suzès sce sides la motivaziun, la scomenciadia, les idees che inće le conzet y la trasformaziun vëgn da daìte fora – dal personal dirigënt, sciöche inće dai colaboradus y dales colaboradësses dl'aministraziun. Le personal dirigënt, sciöche portadù zentral dl'inovaziun aministrativa, à le dovëi y la responsabilité da portè inant deboriada y a na moda consecuënta chësc prozès de restrotoraziun y mudamënt. Por le proiet él sostëgn da defora por la strotöra, la metodologia y n acompagnamënt miré.

I prinzips
Le proiet ti va do a prinzips che va a öna cun le status dl'organisaziun da śëgn, la cultura dominanta y i traverć:

  • faziuns mirades y mioramënt tresfora – Nos mirun a faziuns tleres te cört tëmp, te n tëmp mesan y te n tëmp lunch y metun a jì n prozès de mioramënt che döra.
  • Fà pert, fà para y organisé para – Colaboradus y colaboradësses, personal dirigënt y la jënt à la poscibilité da da fà para.
  • Organisaziuns che impara y adoranza de savëi interna y esterna – I sun sön le tru dl imparè y dl mudamënt y adorun le savëi dan man.
  • Prozedöra metodica, ponsè desvalì y davert – I tolun na metodica tlera, analisun avisa y sun daverć por soluziuns nöies.
  • Prozedöra complessiva y sostëgn de scomenciadies y idees – I ti fajun lerch a scomenciadies y idees y les integrun.

L'ORGANISAZIUN DL PROIET:
Sponsor dl proiet: Presidënt dla provinzia dot. Arno Kompatscher

Comisciun diretiva:
•    Presidënt dla Provinzia dot. Arno Kompatscher (sponsor)
•    Assessuria dot.ia Waltraud Deeg (presidënta)
•    Assessur Arnold Schuler
•    Assessuria dot.ia Martha Stocker
•    Assessur dot. Christian Tommasini

Responsabilité dl proiet: Diretur general dot. Hanspeter Staffler

Contat: verwaltungsinnovation@provinz.bz.it